Yeni Klinikada ilk dəfə İTS daxilində artroplastika əməliyyatı icra olundu - VİDEO
Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən “Yeni klinika” tibb müəssisəsində ilk dəfə olaraq icbari tibbi sığortanın Xidmətlər Zərfi daxilində total bud-çanaq protezləşdirilməsi (artroplastika) əməliyyatı icra olunub.
Klinikaya sol bud-çanaq oynağında ciddi ağrı, aşağı ətraflarda 5 sm uzunluq fərqi, gəzə bilməmək şikayətləri ilə müraciət edən 58 yaşlı kişi xəstəyə aparılan müayinələrdən sonra soltərəfli 4-cü dərəcə bud-çanaq oynağı artrozu diaqnozu qoyulub.
Travmatoloq-ortoped Dr. Tural Behbudsoyun uğurla icra etdiyi total bud-çanaq protezləşdirilməsi əməliyyatından sonra xəstənin ağrıları tamamilə azalaraq uzunluq fərqi aradan götürülüb.
Aktiv həyatına geri dönən xəstə daha sonra ambulator müalicə üçün evə buraxılıb.
Qeyd edək ki, bud-çanaq oynağının total protezləşdirilməsi (artroplastikası), bud-çanaq oynağı ağır dərəcədə zədələnmiş xəstələrdə oynağın süni bir oynaqla dəyişdirilməsi əməliyyatıdır.
Video
Digər xəbərlər
Yeni Klinika “ASAN Məktub” sosial proqramı ilə birgə uşaqların arzularını gerçəkləşdirdi
Yeni Klinikada canlı yayımda minimal invaziv yolla orqanqoruyucu əməliyyat icra olunub
